Bu ma’lumotni Isroil Mudofaa vazirligi huzuridagi COGAT koordinatori tasdiqladi.

Xabarlarda aytilishicha, Isroil hukumati tomonidan davom etayotgan cheklovlar va G‘azoga insonparvarlik yordamining minimal kirishiga qaramay 7-aprel holatiga ko‘ra, Falastin anklaviga yetkazilgan yordamning umumiy hajmida Turkiyaning ulushi 26 foizni tashkil qilmoqda. BAA ham xuddi shunday ko‘rsatkich bilan Turkiya safidan joy oldi. Undan keyin 15 foiz bilan Saudiya Arabistoni va Qatar (7 foiz). 

G‘azo sektoriga kirishga ruxsat berilgan 74 tez yordam mashinasidan 7 tasi Turkiya tomonidan taqdim etilgan.

Bundan tashqari, Turkiya, Misr va BAA 3 ming 204 nafar bemor va yaradorlarni, 725 nafar hamrohlik qiluvchilarni xorijda davolanish uchun eksklavdan evakuatsiya qilishni muvofiqlashtirdi.

Turkiya Misr va Isroil bilan muvofiqlashtirilgan evakuatsiya jarayoni doirasida G‘azo sektoridan eksklavda tibbiy yordam olishda davom eta olmagan bemorlar va yaradorlarni chet elga davolash uchun ko‘plab operatsiyalarni amalga oshirdi.

Dunyoning ko‘plab davlatlari Misr orqali G‘azoga gumanitar yordam jo‘natgan, ammo Isroil to‘siqlari tufayli bu yordamning katta qismi hamon Misrda qolmoqda. 

Isroil hukumati xalqaro hamjamiyatning Misr chegarasidagi Rafoh nazorat-o‘tkazish punkti orqali G‘azo sektoriga gumanitar yordam olib kirishiga ruxsat berish haqidagi chaqiriqlariga ham e’tibor bermayapti.

Bundan tashqari Tel-Aviv ma’muriyati Xalqaro sudning G‘azoga gumanitar yordam yetkazilishini ta’minlash bo‘yicha vaqtinchalik chora-tadbirlar to‘g‘risidagi JARning Isroilga qarshi qo‘zg‘atgan genotsid ishi doirasida qabul qilingan qaroriga ham amal qilmayapti.

O‘zA