2008 yildan beri BMT Bosh kotibi va BMT Ayollar tashkiloti boshchiligida olib borilayotgan “Gender asosidagi zo‘ravonlikka qarshi 16 kun faollik” global tashabbusi doirasidagi “HearHerStory” mintaqaviy kampaniyasi butun dunyoda ayollar va qizlarga nisbatan zo‘ravonlikning oldini olish va bartaraf etishga qaratilgan.

Poytaxtimizda mazkur kampaniyaning rasmiy ochilish marosimi bo‘lib o‘tdi.

Xalqaro ayollarga nisbatan zo‘ravonlikka barham berish kuni munosabati bilan o‘tkazilgan tadbirda 60 dan ortiq ishtirokchi, jumladan, Oliy Majlis Senati, xalqaro tashkilotlar, fuqarolik jamiyati, BMT agentliklari va elchixonalar vakillari ishtirok etdi.

BMT Ayollar tashkiloti ma’lumotiga ko‘ra, dunyoning hech bir davlati inson huquqlari buzilishining eng keng tarqalgan ayollarga nisbatan zo‘ravonlikni yo‘q qilishga yaqin kelgani ham yo‘q. Qozog‘istonlik omon qolganlarni ko‘ngilli qo‘llab-quvvatlash tarmog‘i asoschisi va faoli Aytbek Amangeldi moderatorligida o‘tkazilgan munozarada o‘zgarishlarni rag‘batlantirishda hikoya aytib berishning kuchi ta’kidlab o‘tildi.

“HearHerStory” stereotiplarni buzish, genderga asoslangan zo‘ravonlikka barham berish va tizimli muammolarga qarshi kurashish uchun jamiyatni birlashtirish muhimligini ko‘rsatadi, hikoyalar kuchi bilan gender asosidagi zo‘ravonlik va ayollar o‘limiga barham berish dolzarbligini uyg‘unlashtiradi.

Muhokamalarda Markaziy Osiyoda gender stereotiplari, jamiyat me’yorlari va qurbonlarni ayblash zo‘ravonlikni qanday kuchaytirayotganiga e’tibor qaratildi va bu muammolarni bartaraf etishning samarali yechimlari o‘rganildi.

Tadbir gender tengligini targ‘ib qiluvchi va ayollarga nisbatan zo‘ravonlikka chek qo‘yishga chaqiruvchi butun mintaqadagi erkak inflyuyenserlarning ramziy marshi bilan yakunlandi.  

“HearHerStory” ijtimoiy tarmoqlardagi mintaqaviy kampaniya — bu gender zo‘ravonligiga qarshi kurashda inflyuyenserlar, blogerlar, jurnalistlar, faollar va ijtimoiy tarmoq foydalanuvchilarini birlashtirgan tashqi tashabbus.

Behruz Xudoyberdiyev, Nishonboy Abduvoitov, Ulug‘bek To‘xtayev (video), O‘zA