Fevral oyida oʻtkazilgan videoselektor yigʻilishida byudjet tashkilotlariga 20 ming nafar, banklarga 1000 nafar nogironligi boʻlgan shaxslarni ishga joylashtirish vazifasi yuklatilgan edi.

Hozirda 51 000 ga yaqin boʻsh ish oʻrni eʼlonga chiqarilgan boʻlib, 11,1 ming nafar nogironligi boʻlgan shaxs ishtirok etmoqda. Hozirgi vaqtda 3119 nafar nogironligi boʻlgan shaxslar ishga joylashgan.

Davlat idoralari orasida Soliq qoʻmitasi, Maktabgacha va maktab taʼlimi vazirligi va Respublika Markaziy bankida ish bilan taʼminlash darajasi yuqori koʻrsatkichlarni qayd etdi.

Navoiy, Buxoro va Samarqand viloyati hokimliklari nogironligi boʻlgan shaxslarni ish bilan taʼminlash boʻyicha tasdiqlangan rejani 100% bajargan.

Asosiy rejaga kiritilmagan boʻlsada, Agentlik qoʻshimcha 129 ta vakant lavozimlariga ochiq tanlov eʼlon qilgan boʻlib, hozirda ariza topshirganlarning 87 nafari ishga joylashtirilgan.

“Yangi Oʻzbekiston” va “Pravda Vostoka” gazetalari tahririyati»