Shuni tushunish kerak-ki, hozirgi vaziyatda dunyodagi kuchlar muvozanati o‘zgardi, dedi Hindiston tashqi ishlar vaziri Subramanyam Jayshankar.

– Bizga kuchli BMT kerak, – deya ta’kidlagan Hindiston TIV rahbari Nyu-Dehlida bo‘lib o‘tgan konferensiyada. – Binobarin, shu bilan birga adolatli tashkilot ham talab qilinadi, chunki kuchli dunyo tartibi qandaydir asosli tarzda muvofiqlashgan standartga tayanishi lozim. Menimcha, so‘nggi o‘n yillikda dunyoda voqealar qanday kechganini tekshirish hamda bu jarayonga nisbatan halol munosabatda bo‘lish va bugungi kunda kuchlar muvozanati, ulushlar miqdori o‘zgarganini anglash muhim.

Eski dunyo tartibi o‘sha davr mahsuli, muayyan xizmatlar hozir bo‘rttirilgan.

Nima uchun? Sababi, menimcha, qoidani ishlab chiquvchi va qabul qiluvchining qarashlari turlicha edi.

Ma’lumki, Braziliya, Germaniya va Yaponiya bilan bir qatorda Hindiston ham rivojlanish ko‘lami BMT Xavfsizlik kengashi doimiy a’zolari bilan tenglasha oladigan, tashkilotga doimiy a’zo bo‘lishni taqozo qiladigan “To‘rtlik guruhi” (G4)ga kiradi. Mazkur tuzilma sammiti chog‘ida tashqi ishlar vazirlari BMT XKni isloh qilishga chaqirishgan va Kengashda doimiy o‘rin egallashda bir-birini qo‘llab-quvvatlash tasdiqlangan edi.

O‘zA