Бирлашган Миллатлар Ташкилотининг Гуманитар масалаларни мувофиқлаштириш бошқармаси (ГММБ) Судан ғарбида Шимолий Дарфур штатидаги Ал-Фашер шаҳрида ўнлаб одамларнинг ҳаётига зомин бўлган ҳужумни қоралади. 

БМТ бош котибининг Судан бўйича махсус вакили ўринбосари ва Судан бўйича гуманитар ёрдам координатори Клементине Нквета-Салами ҳужумларни «тинч аҳоли учун даҳшатли» деб таърифлади. 

Унинг айтишича, шифохоналар ва бозорлар каби фуқаролик инфратузилмаси ҳеч қачон нишонга олинмаслиги керак. 

Нквета-Саламининг таъкидлашича, одамлар ўз иқтисодий фаолиятини сақлаб қолишга ҳаракат қилмоқда, гуманитар ёрдамдан тўсиқсиз фойдаланяпти ва гуманитар ёрдам учун маблағни кўпайтиришга ҳаракат қилмоқда. «Бу Судан учун очарчилик таҳдидидан қочишда жуда муҳим», деди у. 

Унинг қўшимча қилишича, Судан «ўз тарихидаги энг ёмон озиқ-овқат хавфсизлиги даражасига» дуч келмоқда.

Нквета-Салами, шунингдек, армия ва Тезкор қўллаб-қувватлаш кучлари (HDK) ўртасидаги тўқнашувлар бошланган 2023 йил апрелидан бери ҳалок бўлганлар сони 18 800 кишидан ошганини айтди.

Судандаги уруш

Судан армия ва ҳарбийлаштирилган Тезкор ҳаракат кучлари (ТҲК) ўртасидаги 15 ойлик тўқнашув туфайли дунёдаги энг йирик очарчилик инқирозига дуч келишда давом этмоқда.

Судандаги тўқнашувлар натижасида ҳалок бўлганлар сони бугунги кунда 16 минг кишига баҳоланмоқда. Бироқ, соғлиқни сақлаш тизимининг инқирози туфайли бу кўрсаткич анча юқори бўлиши мумкин, деб кўрилади. 

БМТ Халқаро миграция ташкилоти (ХМТ) маълумотларига кўра, Суданда жанглар бошланган 2023 йилнинг апрелидан бери 7 миллион 200 минг 119 киши ўз уйини ташлаб кетган. 

Бирлашган Миллатлар Ташкилотининг Болалар жамғармаси (ЮНИСEФ) маълум қилишича, Судан дунёда энг кўп кўчирилган болаларга эга мамлакат - 5 миллионга яқин. 

Жаҳон соғлиқни сақлаш ташкилоти (ЖССТ) бош директори Тедрос Адҳаном Гебрейесус фуқаролар уруши давом этаётган Суданда ҳар беш кишидан бири фавқулодда вазият даражасида озиқ-овқат танқислигини бошдан кечираётганини таъкидлади. 

Kun.uz