15 март – Бутунжаҳон истеъмолчилар ҳуқуқлари куни

Юртимизда аҳолининг истеъмолчи сифатидаги ҳуқуқ ва қонуний манфаатлари ҳимояси долзарб аҳамият касб этиб бормоқда. Бугун, 15 март – Бутунжаҳон истеъмолчилар ҳуқуқлари куни ҳисобланади.  

Мамлакатимизда Бутунжаҳон истеъмолчилар ҳуқуқлари куни 1996 йил 26 апрель – Ўзбекистон Республикаси "Истеъмолчиларнинг ҳуқуқларини ҳимоя қилиш тўғрисида"ги қонуни қабул қилингандан буён кенг нишонлаб келинмоқда.  

Ҳар йили «Consumer International» халқаро ташкилоти  «йил мавзуси»ни белгилайди. Жорий йилги Бутунжаҳон истеъмолчилар ҳуқуқлари куни – «Истеъмолчилар учун адолатли ва масъулиятли сунъий интеллект» шиори остида нишонланишини эълон қилди.  

Бу ҳуқуқ Ўзбекистон Республикасининг Конституцияси, Фуқаролик кодекси, «Истеъмолчиларнинг ҳуқуқларини ҳимоя қилиш тўғрисида»ги қонуни, шунингдек, бошқа норматив-ҳуқуқий ҳужжатлар билан кафолатланган. Мазкур ҳуқуқий ҳужжатлар замон талаби ва янгиланишларни инобатга олган ҳолда такомиллаштириб келинмоқда. – Мамлакатимизда юксак истеъмол маданиятини шакллантириш, фуқароларимизнинг истеъмолчи сифатидаги ҳуқуқ ва манфаатларини ҳимоя қилиш бизнинг бош мақсадимиздир. Айтиш мумкинки, мамлакатимизда ҳар бир истеъмолчи ҳуқуқи  қонун ҳимоясида, – дея фикр ўз билдирди Ўзбекистон истеъмолчилар ҳуқуқларини ҳимоя қилиш жамиятлари федерацияси раиси Жаҳонгир Саримсоқов.  

Дарҳақиқат, аҳолимиздан истеъмолчи сифатида ўз ҳуқуқини англаш, унга нисбатан ҳурмат билан қараш талаб этилади.  

А.РУСТАМОВ, ЎзА