51 ёшли Улле Мадисе 2015 йилдан бери Эстонияда инсон ҳуқуқлари бўйича вакил — омбудсман лавозимида фаолият юритиб келмоқда. У келгуси беш йил давомида мамлакат президенти вазифасини бажаради.
1,4 миллион аҳолига эга Эстония Россия билан чегарадош бўлиб, НАТО ва Европа Иттифоқида Украинанинг энг қатъий қўллаб-қувватловчиларидан ҳамда Москванинг кескин танқидчиларидан бири ҳисобланади. Мамлакат жорий йилда мудофаа харажатлари учун ялпи ички маҳсулотининг 5,4 фоизини ажратган.
Эстонияда президент парламент — Рийгикогу томонидан сайланади. Улле Мадисе ягона номзод сифатида иштирок этди. Унинг рақиблари номзодини рўйхатдан ўтказиш учун етарли даражада парламент қўллаб-қувватловига эга бўлмади.
Улле Мадисе иккинчи муддатга номзодини қўймаган амалдаги президент Алар Карис ўрнини эгаллайди.
“Yangi Oʻzbekiston” va “Pravda Vostoka” gazetalari tahririyati