Inson huquqlari bo'yicha O'zbekiston Respublikasi Milliy markazi tomonidan «Teng muomala qilish va kamsitmaslik to'g'risida»gi qonun loyihasi ishlab chiqildi.  Loyiha O'zbekiston Respublikasi Prezidentining 2020 yil 22 iyundagi "Inson huquqlari bo'yicha O'zbekiston Respublikasining Milliy strategiyasini tasdiqlash to'g'risida”gi farmoni bilan tasdiqlangan “Yo'l xaritasi”ning 12-bandi ijrosi doirasida tayyorlandi.

Mazkur qonun loyihasi fuqarolarning irqi, jinsi, tili, dini, siyosiy qarashlari, milliy yoki ijtimoiy kelib chiqishi, mulkiy, sinfiy yoki boshqa holatlardan qat'i nazar, jamiyat hayotining turli sohalarida kamsitilish holatlaridan to'liq himoya qilinishini ta'minlashga qaratilgan.

Loyihada «kamsitish», «to'g'ridan-to'g'ri, bilvosita va ko'p marta kamsitish», «kamsitish belgilari» tushunchalarini qonunchilikka kiritish va fuqarolar huquqlarini himoya qilishning usullari va vositalarini takomillashtirish, shuningdek fuqarolarning huquq va erkinliklarini himoya qilish bo'yicha samarali mexanizmlar joriy etish nazarda tutildi.

Inson huquqlari bo'yicha
O'zbekiston Respublikasi
Milliy markazining
matbuot xizmati