Oldin xabar berganimizdek, O'zbekiston Respublikasi Prezidenti Farmoni bilan tasdiqlangan Inson huquqlari bo'yicha Milliy strategiyaga muvofiq, Inson huquqlari bo'yicha O'zbekiston Respublikasi Milliy markazi huzurida 12.0013 – “Inson huquqlari (yuridik fanlar, sotsiologiya fanlari)” ixtisoslik shifri bo'yicha Ilmiy kengash tuzilib, mazkur ixtisoslik bo'yicha malakaviy imtihon dasturi hamda imtihon komissiyasi tarkibi ham tasdiqlangan.

Inson huquqlari sohasida oliy malakali ilmiy va ilmiy-pedagogik kadrlar tayyorlash, shuningdek ushbu yo'nalishda fundamental tadqiqotlarni rivojlantirish yo'lida yana bir muhim qadam qo'yildi. Ya'ni, Inson huquqlari bo'yicha O'zbekiston Respublikasi Milliy markazi huzurida 12.00.01 – “Davlat va huquq nazariyasi va tarixi. Huquqiy ta'limotlar tarixi”, 12.00.10 – “Xalqaro huquq” hamda 12.00.13 – “Inson huquqlari” (yuridik fanlar, sotsiologiya fanlari) ixtisosliklari bo'yicha oliy ta'limdan keyingi ta'lim (mustaqil tadqiqotchi) instituti ochildi.

Inson huquqlari bo'yicha
O'zbekiston Respublikasi
Milliy markazining
matbuot xizmati